Жедел іздестіру шараларының нәтижесінде Түркістан облысының полицейлері аса ірі көлемде ақша бопсалады деген күдікпен Сарыағаш ауданының 34 жастағы тұрғынын қолға түсірді.
Тергеу мәліметінше, ер адам мектепте білім беру жобасын жүзеге асыруға кедергі келтіремін деп қорқытып, ұйымдастырушылардан 1 000 000 теңге талап еткен.
Тексеру кезінде ұсталған азаматтың үстінен аударылған ақшасы бар банк картасы мен журналистің жеке басын куәландыратын ресми құжаттар табылды.
Күдікті аймақтық блогер ретінде танымал әлеуметтік желілердегі парақшаларын белсенді жүргізеді.
Бопсалау дерегі бойынша қылмыстық іс қозғалып, тергеу амалдары жүргізілуде.